Shymkentte memlekettik satyp alý boıynsha ótken 30 baıqaýdyń zańdylyǵy tekserilmek
«2021 jyly memlekettik satyp alý veb-portalynda 30 baıqaýdy uıymdastyrýshy Shymkent qalasynyń memlekettik satyp alý basqarmasy basshylyq buıryǵymen qatysýshylardan ótinim qabyldaýdy birneshe ret toqtatty. Sonymen qatar atalǵan mekeme buıryqty veb-portaldyń «sot sheshimi» nemese «ýákiletti organnyń sheshimi» qosymsha betinde tirkedi. Osylaısha, uıymdastyrýshy ótinim qabyldaýdy zańsyz toqtatyp, memlekettik satyp alý týraly zańnamany óreskel buzyp otyr. Zańnyń buzylǵany týraly ýákiletti organdar da rastap otyr. Atap aıtqanda, QR Qarjy mınıstrligi ishki memlekettik aýdıt komıtetiniń 04.04.2022 jylǵy jáne Shymkent qalasy boıynsha ishki memlekettik aýdıt departamentiniń 04.07.2022 jylǵy hattary dálel», – dedi Áıgerim Seıdahmetova «Atameken» ulttyq kásipkerler palatasynyń uıymdastyrýymen ZOOM platformasynda ótken sharada.
Onyń aıtýynsha, memlekettik satyp alý boıynsha baıqaýǵa ótinim qabyldaýdy qoldan toqtatýdyń saldarynan áleýeti joǵary qatysýshylar oǵan qatysa almaı qaldy.
Sondaı-aq, spıker baıqaýdy zańdy uıymdastyrmaýdyń arty memleketke shyǵyn ákelgenin aıtyp otyr.
«Atalǵan másele boıynsha joǵary aıtylǵan hattardyń negizinde «Elektromontaj» AQ sybaılas jemqorlyqqa qarsy is-qımyl agenttiginiń Shymkent qalasy boıynsha departamentine konkýrstyq komıssııa múshelerin qylmystyq jaýapkershilikke tartý týraly ótinish joldady. Qalalyq departamentten isti tirkeýge quqyqtyq negiz joq ekendigi týraly jaýap keldi», - deıdi ol.
«Atameken» ulttyq kásipkerler palatasy basqarma tóraǵasynyń orynbasary Tımýr Jarkenov atalǵan faktiniń qaraýsyz qalmaıtyndyǵyn aıtty.
«Biz óz tarapymyzdan bul máseleni tıisti mınıstrlik arqyly Úkimettik deńgeıge shyǵarýǵa daıynbyz. Bul másele boıynsha Qarjy mınıstrligi kýrator. Árıne, bul jerde birneshe qujat bar. ıAǵnı ákimshilik, qylmystyq kodekspen qatar basqa da normatıvtik-quqyqtyq qujattardy qaıta qaraý qajet», - dedi Atameken ókili.
Foto: moneysense.ca
