Shymkentte memlekettik baǵdarlamamen nesıe alyp berýdi ýáde etken alaıaq ustaldy
ShYMKENT. QazAqparat - Shymkentte nesıe alyp berýge ýáde etip, azamattardy aldap kelgen alaıaq ustaldy. 22 jastaǵy boıjetken jábirlenýshilerdiń senimine kirip, aqshalaryn alyp ketip otyrǵan, dep habarlaıdy QazAqparat HAA tilshisi.
Tártip saqshylary alaıaq qyzdy jábirlenýshilerdiń biriniń aryzynan keıin qolǵa túsirdi. Ál-Farabı aýdandyq polıtsııa bólimine 35 jastaǵy azamat aryzdanǵan. Ol belgisiz boıjetkenniń memlekettik baǵdarlama boıynsha nesıe rásimdeýge kómektesýge ýáde etip, 300 myń tengesin alyp ketkenin aıtqan. Artynsha polıtsııa bólimine osyǵan uqsas birneshe turǵyn aryzdandy. Osydan keıin jedel izdestirý sharalaryn júrgizgen tártip saqshylary kúdikti retinde 1995 jyly týǵan jumyssyz boıjetkendi qolǵa túsirdi. Onyń Saryaǵash aýdanynyń Nasıba ıÝldasheva esimdi turǵyny ekeni anyqtaldy. Tergeý barysynda seziktiniń jalpy somasy úsh mıllıon teńgeni quraıtyn 10 alaıaqtyq faktisine qatysy bary dáleldendi.
Qazirgi tańda alaıaqtyń ústinen qylmystyq is qozǵalyp, tergeý amaldary júrgizilýde. Kúdikti ýaqytsha tergeý abaqtysyna qamaldy.
Polıtseıler atalmysh alaıaqtan zardap shekken turǵyndardy polıtsııa bóliminiń «102» nómirine habarlasýdy suraıdy.
