Shymkentte memleketke 1 mlrd teńge zalal keltirgen turǵyn sottaldy

ShYMKENT. QazAqparat - Shymkent turǵyny memleketke 1 mıllıard teńge kóleminde zalal keltirgeni úshin sottaldy. Bul týraly QazAqparat QR Qarjylyq monıtorıng agenttiginiń baspasóz qyzmetine silteme jasap habarlaıdy.

Agenttiktiń Shymkent qalasy boıynsha aýmaqtyq departamenti salyq tóleýden jaltarý maqsatynda josyqsyz kásipkerlerge jalǵan shot-faktýralar jazyp bergen azamat A.Mahataevtyń zańsyz áreketiniń jolyn kesti.

Tergeý málimetteri boıynsha, A.Mahataev 2017-2020 jyldar aralyǵynda óziniń týystary men tanystarynyń atyna «Meıir qurylys», «Tynyshtyq 2018», «Elıt Kapıtel», «MAGMA-2018», «Ashımov ı Ko», «A L A T A U K», «S-Industry», «BES QASQA», «JORǴA 2019», «INTERTRANSSERVIS-2020», «Ehcellent», «ÝGAM 2018», «005», «Everest K» JShS14 kásiporyndy tirkegen.

Atalǵan kásiporyndar kontragentterge tólemderdi tóleýden jaltarýǵa járdemdesý úshin jáne kásipkerlik qyzmetti júzege asyrý maqsatynsyz qurylǵan.

Bul fırmalardyń keńseleri, qyzmetkerler shtaty, óndiristik-tehnıkalyq bazasy jáne qoımalyq úı-jaılary bolmaǵan.

Zańsyz áreketterdiń nátıjesinde memleketke 1 mlrd. teńgeden astam mólsherde zalal keltirildi.

A.Mahataev 4 jylǵa bas bostandyǵynan jáne 10 jylǵa kásipkerlik qyzmetpen aınalysý quqyǵynan aıyryldy.

Keltirilgen zalal somasy memleket kirisine aınaldyryldy.