Shymkentte membaǵdarlamamen páter alyp beremin dep jurtty aldaǵan áıel sottaldy
Shymkent qalasynyń turǵyny eki jyl boıy azamattardy «memlekettik baǵdarlamamen páter alýǵa kómektesemin» dep aldap kelgen. Alaıaqtyń arbaýyna 21 turǵyn túsip, jalpy somasy 34 mln aqsha bergen.
Alaıaqtyqty kásip etken 27 jastaǵy azamatsha turǵyndardan túsken aqshany óz paıdasyna jaratyp otyrypty.
Bir qyzyǵy, bir úıge bala qaraýshy bolyp jumysqa ornalasqan kúdikti úı ıesiniń bank derektemelerin ýaqytsha surap alyp, alaıaqtyq maqsatqa qoldanǵan. Jábirlenýshilerden túsken aqshany mobıldi qosymsha arqyly qalaǵan sátinde ózine aýdaryp júrgen. Budan bólek, kezdeısoq adamdarǵa ótinish jasap, bankomattardan sheshken kezderi de bolypty.
Úıdi ala almaı, aldanǵanyn bilgen turǵyndar polıtsııaǵa aryzdandy. Tártip saqshylarymen júrgizilgen jedel-izdestirý jumystary barysynda, kýálerden jaýap alyp, banktik aýdarymdar tekserilip, azamatshanyń alaıaqtyq isi dáleldengen.
Nátıjesinde qylmystyq isti jasaǵany úshin kúdikti 4 jylǵa sottaldy.