Shymkentte membaǵdarlama arqyly aqsha alyp beremin dep aldaǵan alaıaq ustaldy - polıtsııa
ShYMKENT. QazAqparat - Ońtústik Qazaqstan oblysynda polıtseıler «Órleý» baǵdarlamasy boıynsha aqsha alyp beremin dep turǵyndardy taqyrǵa otyrǵyzyp ketken 28 jastaǵy alaıaqty ustady. Qazirdiń ózinde kúdiktiniń 20 alaıaqtyq áreketine qatysy bar ekeni anyqtalyp otyr, dep habarlaıdy QazAqparat tilshisi.
Shymkent qalalyq Eńbekshi polıtsııa bólimine birneshe turǵyn aryzdanǵan. Olardyń aıtýynsha, belgisiz azamat ózin memlekettik organnyń qyzmetkerimin dep tanystyryp, «Órleý» baǵdarlamasy boıynsha aqsha alyp beremin dep aldaǵan. Osylaısha, kúdikti birneshe adamdy aldap, aqshalaryn alyp ketken. Aryzdanýshylardyń biri kúdikti onyń 350 000 teńgesin qoldy etkenin jetkizgen. «Memlekettik organnyń ókili» «Órleý» baǵdarlamasy boıynsha 2-3 aptanyń ishinde ákimdikten 1 200 000 teńge aqsha shyǵaryp beremin dep ýáde beripti.
Jedel-izdestirý sharalaryn júrgizgen polıtseıler osy qylmysqa qatysy bar degen kúdikpen 1989 jyly týǵan turǵyndy ustady. Tergeý barysynda kúdiktiniń alaıaqtyq 20 jaıtqa qatysty ekeni anyqtaldy. Jábirlenýshilerge keltirilgen shyǵyn kólemi mıllıon teńgeden asyp otyr. Qazirgi tańda atalǵan fakt boıynsha Qylmystyq kodekstiń 190 «Alaıaqtyq» baby boıynsha is qozǵaldy. Kúdikti qamaýǵa alyndy. Tártip saqshylary sondaı-aq 28 jastaǵy kúdiktiniń basqa da qylmystarǵa qatystylyǵyn anyqtaýda. Sotqa deıingi tergeý amaldary júrgizilip jatyr.
