Shymkentte mekteptiń burynǵy dırektoryna alaıaqtyq jasady degen aıyp taǵyldy

NUR-SULTAN. QazAqparat - Shymkent qalasy Bilim basqarmasy №49 orta mekteptiń burynǵy dırektoryna alaıaqtyq jasady degen aıyp taǵyldy, dep habarlaıdy QR Sybaılas jemqorlyqqa qarsy is-qımyl agenttiginiń baspasóz qyzmeti.

«Shymkent qalasynyń Sybaılas jemqorlyqqa qarsy qyzmeti alaıaqtyq jasady degen kúdikpen qalalyq bilim basqarmasy №49 orta mektebiniń burynǵy dırektoryna qatysty sotqa deıingi tergeýdi bastady. Ol qala azamatynan matematıka muǵalimi retinde mektepke jumysqa ornalasýyna kómektesemin degendi jeleý etip, aldaý jolymen 500 myń teńge somasynda aqsha aldy dep kúdikteledi, al ol is júzinde sol kezeńde mektep dırektory bolyp tabylmaǵan jáne osy máseleni sheshýge ýákilettiligi de bolmaǵan» delingen habarlamada.

Málimetke saı, sotqa deıingi tergeý jalǵasýda. Kúdiktige qatysty túpkilikti sheshimdi onyń kinásiniń deńgeıin anyqtaý arqyly sot qabyldaıtyn bolady.