Shymkentte mektepter arnaıy robototehnıka kabınetterimen jabdyqtalýda
ShYMKENT. QazAqparat – Shymkentte jańartylǵan bilim berý baǵdarlamasy boıynsha 75 mektep robototehnıka quraldarymen, 19 bilim uıasy arnaıy robototehnıka kabınetterimen jabdyqtalǵan. Bul týraly qalalyq bilim basqarmasy málimet taratty, dep habarlaıdy QazAqparat tilshisi.
Bilim basqarmasynyń habarlaýynsha, qala mektepterinde 575 ınteraktıvti taqta men 58 bıologııa, 75 fızıka, 71 hımııa jáne 799 lıngafondy-mýltımedııalyq kabınetterimen jabdyqtalǵan. Aǵymdaǵy jyly jerliktik bıýdjetten 104,3 mln teńge bólinip, «Oqýshylar saraıy» bazasynda IT-ortalyq ashyldy. Al, 5 mektepte IT-synyp jabdyqtalyp, jumys jasaýda. Bilim berý mekemeleriniń ınfraqurylymyn damytý boıynsha, orta eseppen 1 kompıýterge keletin oqýshy sany 14-i quraıdy. Bul kórsetkishti 7-ge tómendetý úshin memlekettik-jekeshelik áriptestik júıesi arqyly 11 myń dana kompıýter satyp alý jumystary júrgizilýde. Búgingi kúni, 130 kúndizgi jalpy orta mektep 4-34 Mb/s jyldamdyqty keńjolaqty ınternet jelisine qosylǵan. Sonymen qatar mektepter «Wi-Fi» qurylǵylarymen 100% qamtamasyz etilgen. Onyń ishinde, 70 mekteptiń ınternet jelisi 12 Mb/s-tan 34 Mb/s-qa deıin ulǵaıtylǵan.
