Shymkentte mektep qurylysy kezinde merdiger 5,5 mln teńgeni jymqyrǵan

ShYMKENT. QazAqparat - Qarjylyq monıtorıng agenttigi mektep qurylysy kezindegi qarajatty jymqyrý deregin anyqtady, dep habarlaıdy QazAqparat.

Shymkent qalasy boıynsha agenttiktiń aýmaqtyq departamenti Juldyz turǵyn alabynda orta mektep salýǵa bólingen 5,5 mln teńgeni jymqyrý deregin anyqtady.

Qazirgi ýaqytta búkil el boıynsha jańa oqý jylyna daıyndyq maqsatynda bilim mekemelerinde qurylys jáne jóndeý jumysy belsendi júrip jatyr.

Aıta ketý kerek, bul maqsattarǵa bıýdjetten aıtarlyqtaı qarjy bólinedi, onyń kólemi jyl saıyn artyp keledi.

Al bilim nysandary adal emes merdigerler úshin «qarajat kózi» bolyp tabylady.

Tergeý barysynda kásipker mektep qurylysy kezinde naqty oryndalmaǵan jumystar týraly dáıeksiz málimettermen esep usynǵany belgili boldy.

Sot qurylys-ekonomıkalyq saraptamasynyń qorytyndysyna sáıkes memleketke keltirilgen zalal somasy shamamen 5,5 mln teńgeni qurady.

Qurylys jumystaryn júrgizgen josyqsyz kásipker kinásin tolyq moıyndap, keltirilgen shyǵyn somasyn ótedi.