Shymkentte mektep ınjeneri oqýshylardyń 200-ge jýyq kompıýterin lombardqa ótkizip jibergen
Bul týraly Shymkent qalasy bilim basqarmasynyń basshysy Janat Tájıeva Facebook paraqshasynda jazdy.
Mekteptiń jabdyqtaý jónindegi ınjeneri N. esimdi azamat óz laýazymyn paıdalanyp «jóndeý qajet» jáne taǵy basqa da syltaýlarmen memleket múlkin lombardqa ótkizip, satyp jibergen. 2021-2022 oqý jyly aıaǵynda múliktik ınventarızatsııa jasaý barysynda mektep dırektory jaǵdaıdy anyqtap, bilim basqarmasy tarapynan Ál-Farabı aýdandyq polıtsııa departamentine shaǵymdanǵan.
«Bul Shymkent qalasynyń mektebinde bolǵan jaǵdaı. Mektepte jalpy 575 kompıýter bolǵan. Pandemııa kezinde kompıýterler ata-analarǵa berilgeni belgili. Sot úkimimen kúdikti kináli dep tanylyp 7 jyl 6 aı merzimge bas bostandyǵynan aıryldy. Alaıda, appelıatsııalyq shaǵym túsirip, 3 aı kóleminde kompıýterlerdi qaıtarýǵa merzim surady», -dedi J. Tájıeva.