Shymkentte mektep dırektory qyzmetkerlerinen para aldy dep aıyptalyp otyr

ShYMKENT. QazAqparat - Búgin Sybaılas jemqorlyqqa qarsy is-qımyl agenttigi Shymkent qalasy boıynsha departamentiniń 9 aıda atqarǵan jumysynyń nátıjesi boıynsha brıfıng ótti, dep habarlaıdy QazAqparat.

Іs-shara barysynda departament basshysy Ashat Jumaǵalı sybaılas jemqorlyq jasaǵany úshin 49 tulǵa áshkerelengenin atap ótti. Sottalǵandar – 36.

Qalalyq sybaılas jemqorlyqqa qarsy qyzmeti basshysynyń aıtýynsha, parany jaýapkershilikke tartpaý, jumysqa ornalastyrý, qyzmet boıynsha jalpy qamqorlyǵy, ruqsat qujattaryn bergeni úshin alýda.

Máselen, aǵymdaǵy jyly Túrkistan oblystyq sotynyń azamattyq ister jónindegi alqa tóraǵasy áshkerelendi. Ol oń sot sheshimin shyǵarý boıynsha para alǵany úshin 5 jylǵa bas bostandyǵynan aıyryldy.

Sotta tekserýshi-memlekettik aýdıtor laýazymyna taǵaıyndaý úshin 15 myń AQSh dollary somasynda zańsyz syıaqy aldy degen kúdikpen qalalyq ishki memlekettik aýdıt departamentiniń bólim basshysyna qatysty qylmystyq is qaralýda.

Qabyldanyp jatqan sharalarǵa qaramastan bilim júıesinde sybaılas jemqorlyq faktileri oryn alýda. Eki jalpy orta mektep dırektoryna qatysty sotqa deıingi tergeý bastaldy.

Máselen, departament №34 orta mektep dırektoryna qatysty qylmystyq isti sotqa joldady. Ol qamqorlyǵy úshin óz qaramaǵyndaǵy qyzmetkerlerden birneshe ret para alǵan jáne jymqyrǵan dep kúdiktelýde.

Sondaı-aq, polıtsııa qyzmetkerleriniń qatysýymen birqatar paraqorlyq faktileri anyqtalyp, 10 tártip saqshysy qylmystyq jaýapkershilikke tartyldy.