Shymkentte mektep býhgalterine qatysty qylmystyq is sotqa joldandy

ShYMKENT. QazAqparat- Shymkentte mektep býhgalterine qatysty qylmystyq is sotqa joldandy. Bul týraly Sybaılas jemqorlyqqa qarsy is-qımyl agenttigi Shymkent qalasy boıynsha departamentiniń basshysy Dáýren Erǵarın Facebook paraqshasynda málimdedi, dep habarlaıdy QazAqparat tilshisi.

Kúdikti bilim berý mekemesi dırektorynyń elektrondyq tsıfrlyq qoltańbasyn paıdalana otyryp, 67,0 mln teńge somasyndaǵy bıýdjet qarajatyn jeke qajettiligine jumsap jibergen. Sybaılas jemqorlyqqa qarsy is-qımyl agenttigi Shymkent qalasy boıynsha departamenti kúdiktige qatysty qylmystyq isti aıaqtap, sotqa joldady.

«Qaıta qylmys jasaýǵa jol bermeý maqsatynda óńirdiń bilim berýdi qarjylandyrý salasyndaǵy sybaılas jemqorlyq táýekelderine syrtqy taldaý bastaldy. Sondaı-aq, keńeıtilgen otyrys ótip, onda sybaılas jemqorlyq shemalary men ol úshin kózdelgen qylmystyq jaýapkershilik týraly árbir býhgalterge, mektep dırektoryna jáne megapolıstiń bilim berý salasynyń basshylaryna túsindirildi»- dedi Dáýren Erǵarın.