Shymkentte medıtsına qyzmetkerlerine tósbelgiler tabystaldy
ShYMKENT. QazAqparat – Shymkentte Densaýlyq saqtaý basqarmasynyń uıymdastyrýmen Qazaqstan Respýblıkasynyń Táýelsizdik kúnine arnalǵan merekelik is-shara ótti. Saltanatty jıynda medıtsına salasynyń damýyna óz úlesterin qosyp júrgen birqatar qyzmetker marapattaldy, dep habarlaıdy QazAqparat tilshisi.
Densaýlyq saqtaý salasynyń úzdikterin QR Densaýlyq saqtaý vıtse-mınıstri Kamaljan Nadyrov jáne densaýlyq saqtaý basqarmasynyń basshysy Ashan Baıdývalıev marapattady. «Densaýlyq saqtaý isiniń úzdigi» tósbelgisi qalalyq stomatologııalyq emhanasynyń dárigeri Qasenov Polatbek, №2 qalalyq aýrýhanasynyń bas dárigeri Sársen Pernebekov jáne Densaýlyq saqtaý basqarmasynyń bas mamany Dýlat Turmanovqa tabystaldy. Sondaı-aq, «Densaýlyq saqtaý salasyna qosqan úlesi úshin» jáne «Densaýlyq saqtaý salasynyń ardageri» tósbelgilerimen 9 medıtsına mamany marapattaldy. Al, 9 dáriger Qurmet gramotalary men alǵys hattar aldy. Marapattalǵandardyń qatarynda №1 qalalyq klınıkalyq aýrýhanasy kadr bóliminiń bastyǵy Sáýle Turmanqyzy men neırohırýrgııa ortalyǵynyń medbıkesi Aısulý Eleýsinqyzy da bar.
