Shymkentte medıtsına qyzmetkerlerine páter kilti tabystaldy

ShYMKENT. QazAqparat - Shymkentte medıtsına qyzmetkerleriniń kásibı merekesi atap ótilip, 9 dárigerge páter kilti tabystaldy. Saltanatty jıynǵa qala ákimi Ǵabıdolla Ábdirahymov qatysyp, medıtsınalyq uıymdardyń qyzmetkerleri men ardager-dárigerlerdi kásibı merekemen quttyqtady, dep habarlaıdy QazAqparat tilshisi.

Shahar basshysy medıtsınalyq mekemelerde atqarylyp jatqan jumystarǵa toqtalyp, aldaǵy josparlardy sóz etti.

«Elbasy tapsyrmasyna sáıkes, 1 maýsymnan bastap dárigerlerdiń jalaqysy 30 paıyzǵa kóterildi. №2 qalalyq aýrýhana men qalalyq perzenthana kúrdeli jóndeýden ótýde. Memlekettik-jekemenshik áriptestik aıasynda 8 emhana salynbaq. Bul baǵytta ınvestorlarmen kelissóz júrgizildi. Shymkentte buǵan qosa jańa 1200 oryndyq kópsalaly aýrýhana salynady. Dárigerlerdiń áleýmettik jaǵdaıyn kóterý boıynsha turǵyn úımen qamtý máselesi sheshiledi. Kúz aıynda stansalar 100 jedel járdem kóligimen qamtamasyz etiledi», - dedi Ǵabıdolla Ábdirahymov.

Saltanatty shara barysynda qaladaǵy medıtsınalyq uıymdarda eńbek etetin 30-dan asa qyzmetker Densaýlyq saqtaý mınıstriniń marapatyna ıe boldy.

Aıta keteıik, qazir shymshaharda 36 memlekettik, 69 jekemenshik medıtsınalyq uıym bar. Onda 12 myńnan astam qyzmetker eńbek etip júr.