Shymkentte medbıkeler GPS qurylǵysymen baqylanatyn boldy
Ázirge GPS navıgatsııasymen qaladaǵy №6 emhananyń medbıkeleri jumys isteýde. Jańa qurylǵymen 38 maman qamtylǵan. Bul apparat arqyly monıtordan emhananyń aýmaǵynda tirkeýde turǵandardyń naqty mekenjaılaryn, patsıent týraly aqparattardy kórip otyrýǵa bolady.
Dárigerlerdiń sózinshe, bul tsıfrly júıe halyqtan kelip túsetin ótinish-shaǵymdardyń sanyn azaıtyp, medıtsınalyq kómekti óz deńgeıinde kórsetýge, tipti, áleýmettik máselelerdiń aldyn alýǵa oń yqpalyn tıgizbek.
«Patsıentter arasynda shuǵyl medıtsınalyq kómek qajet etilgen jaǵdaıda medbıke GPS navıgatsııasynyń batyrmasyn bassa, bas dárigerdiń orynbasary, bólim meńgerýshisi jáne bas medbıkeniń telefonyna shaqyrtý kelip túsedi. Sonyń negizinde der kezinde qajetti medıtsınalyq kómek usynylady», – deıdi Shymkent qalalyq №6 emhananyń bas dárigeriniń emdeý isi jónindegi orynbasary Ulbala Tileýbergenova.
