Shymkentte maı shyǵaratyn zaýyt órtendi

ShYMKENT. QazAqparat - Shymkentte maı shyǵaratyn zaýyttan órt shyqty. Tótenshe jaǵdaı túnde «Qaınar-maı» JShS-da boldy, dep habarlaıdy QazAqparat tilshisi.

Qalalyq Thtenshe jaǵdaılar departamenti baspasóz qyzmetiniń málimetinshe, órt shyqqany týraly habarlama saǵat túngi 22:36 túsken. Zaýyttaǵy jalyndy aýyzdyqtaýǵa órt sóndirý qyzmetiniń jeke quramy jiberilgen.

«Jalyn jabdyqty bólshekteý men dánekerleý jumystaryn júrgizý kezinde shyǵyp, qaldyq maı janǵany anyqtaldy. Jalyn sharpyǵan aımaq 70 sharshy metrdi qurady. Órtti sóndirýge TJ departamentiniń 38 qyzmetkeri men 9 birlik tehnıkasy jumyldyryldy. Saǵat 23.02-de órt aýyzdyqtalyp, saǵat 23.29-da tolyǵymen sóndirildi» delingen habarlamada.

Tilsiz jaýdan eshkim zardap shekpegen. Qazirgi tańda TJD qyzmetkerleri órttiń shyǵý sebepteri men materıaldyq shyǵynnyń mólsherin anyqtaýda.