Shymkentte maskalar men dárýmender tegin taratyldy

ShYMKENT. QazAqparat – Shymkenttik volonterlar turǵyndarǵa 20 myńǵa jýyq medıtsınalyq maska men 600 dana askorbındi qyshqyl dárýmenderin tegin taratty, dep habarlaıdy QazAqparat tilshisi.

Memleket basshysy Qasym-Jomart Toqaevtyń elimizdegi qalyptasqan tótenshe jaǵdaıǵa baılanysty «maskalar azamattarǵa tegin taratylsyn» degen bastamasyna qoldaý kórsetken shymkenttik kásipkerler óz úlesterin qosýda.

Búgin qalada uıymdastyrylǵan aktsııa barysynda «Mega Pharma» JShS kompanııanyń maskalary halyqqa úlestirilip berildi.

Shara qaladaǵy adam kóp shoǵyrlanǵan «Arbat» demalys orny men «Jańa shahar» bazarynda, «Sever» saýda úıi men Qaınarbulaq jáne Saıram eldimekenderinde turǵyndar aýmaǵyn qamtydy.