Shymkentte mas júrgizýshi oqýshy qyzdy qaǵyp ketti
ShYMKENT. QazAqparat - Shymkentte mas júrgizýshi 10 jastaǵy qyzdy qaǵyp ketti. Aýyr jaraqat alǵan jetkinshek aýrýhanada kóz jumdy, dep habarlaıdy QazAqparat HAA tilshisi.
Qaıǵyly oqıǵa qaladaǵy Eńbekshi aýdany aýmaǵyndaǵy kóshelerdiń birinde bolǵan. Jol kólik oqıǵasyn jasaǵan 51 jastaǵy júrgizýshi ishimdik iship alyp, «Vaz-21102» kóligimen jaıaý júrginshini qaǵyp ketken. Qatty soqqydan 5 synyp oqýshysy ushyp ketip, jedel járdemmen oblystyq aýrýhanaǵa jetkizildi. Alaıda dárigerler balaǵa kómek kórsete almady. Ol aýrýhananyń jansaqtaý bóliminde kóz jumdy.
Tıisti saraptamalar qortyndysy adam qaqqan júrgizýshiniń rýlge mas kúıde otyrǵanyn dáleldedi.
Qazir jol apatyn jasaǵan turǵynnyń ústinen Qylmystyq kodekstiń 345-baby 3 -bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy, abaısyzda adam ólimine ákep soqqan is-áreket» boıynsha is qozǵalyp, tergeý amaldary júrgizilýde. Kináli júrgizýshi ýaqytsha tergeý abaqtysyna qamaldy.
