Shymkentte mas jigitter polıtseılerdi soqqyǵa jyqqan
ASTANA. QazAqparat - Shymkentte mas jigitter polıtseılerdi uryp ketken, dep jazady otyrar.kz.
Saqshylar qasynan ótip bara jatqan kóliktegi júrgizýshiniń saý ekendigine kúdiktenip, toqtatpaq bolady. Alaıda júrgizýshi toqtamaı, qasha jónelgen. Biraq olar alysqa uzap kete almaǵan. Aldy tuıyq shaǵyn kóshege burylǵan da, toqtaýǵa májbúr bolǵan.
Osydan soń úsh jigit polıtseılerge judyryq ala júgirgen. Serjant pen starshınanyń pogonyn julyp alǵan. Denelerin kógertip, túrli jaraqat salǵan. Buzaqy jigitterdi tek kómekke kelgen ekıpaj tynyshtandyra alǵan.
«Saraptama úsh jigittiń ortasha deńgeıde mas bolǵanyn kórsetedi. Qazir olar kinálaryn moıyndap, óz isterine ókinish bildirip otyr. Qylmystyq kodekstiń eki baby boıynsha sotqa deıingi tergeý júrip jatyr. Eki baptyń biri boıynsha olarǵa 10 jylǵa deıin bas bostandyǵynan aıyrý jazasy taǵaıyndalýy múmkin», - deıdi Eńbekshiler polıtsııasy tergeý bóliminiń basshysy Jandos Sultanov.
