Shymkentte mas adam eki balasyn gaz ballonmen jarmaq bolǵan

ShYMKENT. QazAqparat - Shymkentte ishimdik ishken er adam eki balasyn bólmege qamapa, gaz ballonyn jaryp jibermek bolǵan. Mundaı qadamǵa ol otbasyndaǵy kıkiljińnen keıin barǵanyn aıtqan, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, keleńsiz jaǵdaı búgin kúndiz saǵat 15.45-te bolǵan. Ýchaskelik polıtsııanyń «101» pýltine Eńbekshi aýdanynyń Aınatas turǵyn úı alabynyń turǵyny óz-ózine qol jumsaǵysy keletinin habarlaǵan. Oqıǵa ornyna kelgen órt sóndirýshileri 42 jastaǵy úı ıesiniń mas kúıde sýıtsıd jasamaq bolǵanyn anyqtaǵan. Ol otbasylyq janjaldan keıin 50 lıtr gaz ballonyn ashyp, 4 jáne 8 jastaǵy eki balany bólmege qaldyrǵan. Kez-kelgen mınýtta jarylys bolý qaýipi týǵan. Oqıǵa ornyna órt sóndirý bóliminiń jeke quramynan 5 adam men apattar medıtsınasy ortalyǵy fılıalynyń arnaıy brıgadasy tartylǵan.

Jaǵdaıdyń barlyq qaýiptiligin túsine otyryp, №7 órt sóndirý bóliminiń qaraýyl bastyǵy Erbol Nebesaev pen aǵa órt sóndirýshi azamattyq qorǵaý serjanty A.ıÝldashev jedel áreket etken. Ol ózge qyzmetkerlermen birge bólmege júgirip kirip, gaz ballonynyń kranyn japqan. Ballondy dalaǵa shyǵaryp, balalardy qaýipsiz jerge evakýatsııalaǵan.

«Apattar medıtsınasy ortalyǵy fılıalynyń brıgadasy balalardyń jaǵdaıyn qarap shyǵyp, medıtsınalyq kómek qajet emestigin anyqtaǵan. Olar anasymen birge úıinde qaldy. Al, úı ıesin Eńbekshi aýdanynyń polıtsııa qyzmetkerleri alyp ketti» delingen habarlamada.