Shymkentte mánerlep syrǵanaýdan el chempıonaty bastaldy
ASTANA. QazAqparat Shymkentte mánerlep syrǵanaýdan el chempıonaty bastaldy, dep habarlaıdy QazAqparat.
Jarysqa Astana, Almaty, Aqtaý, Aqtóbe, Qaraǵandy qalalarymen qatar, Shymkentten jalpy sany 80-nen astam sportshy qatysýda.
Baıraqty báseke jeńimpazdary odan da iri dodalarǵa iriktelip alynady. Jarys jalaýy Shymkent qalalyq №8 qysqy sport túrlerinen Olımpıada rezerviniń mamandyrylǵan balalar jáne jasóspirimder mektebinde kóterildi. Mánerlep syrǵanaý synyna 6 aımaqtyń sportshylary qatysýda. Jergilikti mamandar shymkenttik sportshylardyń joǵary orynnan kórinetinine senim artyp otyr.
Chempıonatta mánerlep syrǵanaýshylar jekeleı jáne komandalyq qurammen óner kórsetýde. Kózi qyraǵy tóreshiler de árbir qımyldy muqııat qadaǵalap otyr. Ár óńirden kelgen jankúıerler de qoldaýyn aıamaýda. Jas sportshylarymyzdyń qarqyny myqty. El quramasynda óner kórsetip, jastarymyz da bul dodaǵa atsalysty.
Jasóspirimder arasyndaǵy el chempıonaty tórt kúnge sozylady. Qazannyń 24-i kúni jarys óz máresine jetedi. El namysyn qorǵap júrgen sportshylarymyzǵa sáttilik tileımiz.
