Shymkentte mamandar kópqabatty úıdiń jer silkinisine qanshalyqty tótep beretinin tekserip jatyr

ShYMKENT. QazAqparat - Shymkentte vıbrodınamıkalyq synaq júrgizilip jatyr, dep habarlaıdy QazAqparat Indýstrııa jáne ınfraqurylymdyq damý mınıstrligine silteme jasap.

Qazaq qurylys jáne sáýlet ǵylymı-zertteý jáne jobalaý ınstıtýtynyń mamandary BKN GROUP qurylys kompanııasynyń tapsyrysyna sáıkes Shymkent qalasynyń Qarataý aýdanyndaǵy 9 qabatty turǵyn úıdiń 3 qabatty fragmentine terbelisti-dınamıkalyq, sondaı-aq statıkalyq synaq júrgizýdi qolǵa aldy.

Bul rette synaqtan ótkizilip jatqan ǵımarattyń qurylymdyq shemasy kóldeneń eden dıskilerimen biriktirilgen baılanystyrýshy qańqa túrinde qabyldanǵanyn aıta keteıik.

Synaq V3 úlgidegi vıbrodınamıkalyq qondyrǵy arqyly birneshe kezeń boıy júrgiziledi.

Onyń nátıjesinde alynǵan málimetter óńdelip, tıisti taldaý jasalyp jatyr. Atalǵan synaqtyń qorytyndy kórsetkishteri tapsyrys berýshige jiberiledi.