Shymkentte mal baǵyp júrgen jasóspirimge oq atyldy

ShYMKENT. QazAqparat - Shymkentte jasóspirimge oq atqan turǵyn qamaýǵa alyndy. Bul týraly QazAqparat tilshisi Túrkistan oblystyq ІІD baspasóz qyzmetine silteme jasap habarlaıdy.

Óńirdiń polıtseıleri habarlaǵandaı, qazir ustalǵan kúdiktiniń ústinen qylmystyq is qozǵalǵan.

«Shymkent qalasynda  jasóspirimniń  aıaq tusynan oq jaraqattaryn alǵany týraly  jaıt sotqa deıingi tergeýdiń biryńǵaı tizilimine QR QK-niń «buzaqylyq» babymen tirkeldi. Saraptamalar taǵaıyndaldy.  Sotqa deıingi tergep-tekserý amaldary júrgizilýde» delingen habarlamada.

Aıta keteıik, Shymkentte mal baǵyp júrgen jasóspirimdi bir turǵyn birneshe ret atqany týraly aqparat áleýmettik jelilerge tarap ketken bolatyn. Birneshe jerinen oq jaraqatyn alǵan bala oblystyq balalar aýrýhanasyna jatqyzyldy.