Shymkentte lıftide balaly áıeldi zorlamaq bolǵan kúdikti ustaldy

ShYMKENT. QazAqparat - Shymkenttik polıtseıler lıftide balaly áıelge shabýyl jasaǵan kúdiktini izin sýytpaı ustady, dep habarlaıdy QazAqparat.

Esterińizge sala keteıik, 25 mamyrda Shymkent qalasy Qarataý polıtsııasyna jergilikti turǵynnan aryz tústi.

Áıel óz shaǵymynda úıdiń lıftinde belgisiz adamnyń zorlaýǵa oqtalǵanyn aıtty.

Atalǵan jaıtty polıtsııa qyzmetkerleri QR QK 24-120-baby boıynsha tirkeýge aldy.

Jasalǵan qylmystyń aýyrlyǵy men kúdiktiniń batyldyǵyn eskere otyryp, polıtsııa departamenti er adamnyń jeke basyn anyqtaýǵa jáne ony ustaýǵa baǵyttalǵan tájirıbeli jedel ýákilderden turatyn arnaıy top qurdy.

Іs polıtsııa departamenti basshylyǵynda erekshe baqylaýǵa alyndy.

Jedel-izdestirý sharalary barysynda polıtsııa qyzmetkerleri birneshe saǵat ishinde kúdiktiniń kim ekenin anyqtady.

Ol jas jigit megapolıs turǵyny bolyp shyqty.

Jedel top ókilderi ony qylmystyq jaýapkershilikten qashpaq bolǵan jerinen Shıeli beketindegi poezd vagondarynyń birinde quryqtady.

Ol túnde Qarataý aýdandyq polıtsııa basqarmasyna jetkizildi.

Qazirgi tańda sotqa deıingi tergeý amaldary júrip jatyr.

Kúdikti qamaýda. Polıtseıler oqıǵanyń mán-jaıyn anyqtap jatyr.