Shymkentte Land Cruiser 12 jastaǵy qyzdy qaǵyp ketti
ASTANA. QazAqparat - Keshe Shymkent qalasynyń polıtsııa bólimi «102» pýltine Qazybek bı kóshesinde jaıaý júrginshini kólik qaǵyp ketkeni týraly habarlama kelip túsken. Polıtseıler «Toyota Land Cruiser» avtokóliginiń júrgizýshisi 1989 jyly týǵan turǵyn ekenin anyqtady. Ol avtokóligimen 2005 jylǵy mektep oqýshysyn jaıaý júrginshi jolaǵynan ótip bara jatqanda qaǵyp ketken, dep habarlaıdy oblystyq ІІD baspasóz qyzmeti.
Dene jaraqatyn alǵan 12 jasar qyzdy avtokólik júrgizýshisi Shymkent qalasynyń aýrýhanasyna medıtsınalyq kómek kórsetý úshin jetkizgen. Qazirgi tańda dárigerdiń aıtýy boıynsha dene jaraqatyn alǵan oqýshynyń jaǵdaıy turaqty.
Osy jaıt negizinde QR QK-niń 345-baby «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha SDTBT-ne tirkeldi. Avtokólik aıyp turaqqa jetkizildi. Sotqa deıingi tergeý amaldary júrgizilýde.
