Shymkentte «Qyzyl juldyz» ordeniniń ıegeri turady
Shymkenttik maıdanger Abylaı Qazybaev ekinshi dúnıejúzilik soǵysqa qatysyp, Jeńis kúnin Berlınde qarsy alǵan. Soǵys dalasynda júrip Otan qorǵaý isindegi erligi men batyldyǵy úshin «Qyzyl juldyz» ordenin ıelengen.
«17 jasymda áskerge attandym. Zeńbirekshiler tobynda júrip, nemis tankisine qarsy turdyq. Ot pen ottyń ortasynda el qorǵadyq. Álemde soǵys bolmasyn. Búgingi urpaq soǵys degen sózdi estimemin»-deıdi ardager.
Jeńis jeńimpazy 1925 jyly shilde aıynda Ońtústik Qazaqstan oblysy, Qaınarbulaq aýylynda dúnıege kelgen. 1943 jyly Qyzyl Armııa qataryna alynyp, Tashkent qalasynda áskerı daıyndyqtan ótti. 219-shi dvızııanyń 2-shi gvardııalyq-polkinde bolǵan jáne Harkov, Voroshılov Ýkraına maıdanynda Sveostopelde, 3-shi Belarýs maıdanynda, Latvııa, Lıtva Kennısbergdegi shaıqastarǵa qatysty. 1946-1950 jyldary Pýshkın, Lenıngrad, Moskva, Nemetsko-Sovetskıdi mınadan tazartýshy sarbazdar sapynda boldy.
1945 jyly 1 mamyrda Kınızbýrg qalasyn azat etti. Al, elge 1950 jyldyń sáýir aıynda oraldy.
Soǵys kezinde «Qyzyl Juldyz», ІІ dárejeli «Otan soǵysy», keıin «Eńbek Qyzyl Tý» ordenderimen, «Jaýyngerlik qyzmeti úshin» jáne basqa kóptegen medaldarmen marapattaldy.
Búginde ul-qyzdarynan órbigen nemere, shóbereleriniń ortasynda baqytty ǵumyr keship keledi.
