Shymkentte qyzmetin óteý kezinde qaza tapqan qutqarýshylarǵa eskertkish ashyldy

ShYMKENT. QazAqparat -  Shymkentte Qutqarýshylar kúni  merekesine oraı qaza tapqan órt sóndirýshiler men qutqarýshylarǵa eskertkish ashyldy. Dańq gúlzarynda ótken saltanatty sharaǵa QR Іshki ister mınıstriniń orynbasary ıÝrıı Ilın men Shymkent qalasynyń ákimi Ǵabıdolla Ábdirahymov, Shymkent qalasy TJ departamentiniń basshylyǵy men ardagerler keńesiniń músheleri, qaza bolǵan batyrlardyń týystary men jeke quram qatysty, dep habarlaıdy QazAqparat tilshisi.

Eskertkishtiń ashylý saltanatyna kelgender qaza tapqan órt sóndirýshilerdi bir mınýt únsizdikpen eske alyp, gúl shoqtaryn qoıdy. Olar eskertkish urpaq sabaqtastyǵynyń jáne órt sóndirýshilerdiń kúndelikti erliginiń sımvolyna aınalatynyn atap ótti. QR Іshki ister mınıstriniń orynbasary ıÝrıı Ilın qaza tapqan batyrlardyń týystary men jaqyndaryna kóńil aıtyp, eskertkishtiń ashylýyna úles qosqandarǵa alǵysyn bildirdi. 

«Búgin biz batyl adamdarǵa, aýyr, biraq qajetti jumysqa shyn berilgen qaharman azamattarǵa qurmet kórsetemiz. Búginde janymyzda joq batyrlarymyzdyń rýhyna taǵzym etemiz. Olar bizdiń júregimizde máńgi qalady», - dedi ıÝrıı Ilın.

Aıta keteıik, sońǵy 23 jyl ishinde óńirde 4 órt sóndirýshi men qutqarýshy qaza tapqan. Qalalyq tótenshe jaǵdaılar departamentiniń ardagerler uıymy qyzmettik boryshyn atqarý kezinde qaza tapqan azamattarǵa eskertkish ornatý jóninde qala ákimine usynys jasaǵan bolatyn. Óz kezeginde qala basshysy Ǵabıdolla Ábdirahymov bul ıdeıany qoldap, eskertkish monýmentin ornatý úshin jer telimin bólýge kómek kórsetti.