Shymkentte «Qyzǵaldaq joly» halyqaralyq festıvali ótip jatyr

ShYMKENT. QazAqparat - Shymkentte «Qyzǵaldaq joly» halyqaralyq festıvali ótýde. Arbat demalys aımaǵynda uıymdastyrylǵan sharada saýdagerler men qolónershilerdiń ejelgi kerýeni júrip ótti, dep habarlaıdy QazAqparat tilshisi.

Festıval barysynda florıster daıyndaǵan shoqgúlderden fotokórme qoıylyp, balǵyndardyń qylqalamynan týyndaǵan sýretter gallereıasy uıymdastyryldy. Sharada qala ákimi Ǵabıdolla Ábdirahymov quttyqtaý sóz sóılep, sharanyń mańyzdylyǵyna toqtaldy.

«Qyzǵaldaq festıvali qalamyzda halyqaralyq deńgeıde tuńǵysh ret uıymdastyrylyp otyr. Qyzǵaldaqtyń otany - elimizdiń Ońtústigi ekenin maqtanysh etemiz. Sondyqtan, osynaý ásem gúldi brendimizge aınaldyryp, álem qyzǵaldaq arqyly Shymqalany tanyp-bilse degen maqsatpen festıvaldi uıymdastyrdyq», - dedi qala ákimi.

Festıval aıasynda sondaı-aq sheberler qalasy uıymdastyrylyp, arbattyń boıy qyzǵaldyqpen kómkerildi. Balalar ózderi qyzyǵyp júrgen órt sóndirýshi, polıtsııa, dárigerler sekildi maman ıelerimen júzdesip, jumystarymen tanysty. Florıster sheberlik sabaqtaryn ótkizip, sán kórsetý, lotereıa oıyny uıymdastyryldy. Sharanyń sońy estrada juldyzdardyń kontserttik baǵdarlamasyna ulasty. Kópshiliktiń kóńilin kóterýge arnalǵan festıval keshke deıin jalǵasatyn bolady.

Aıta keteıik, «Qyzǵaldaq joly» festıvali Elbasynyń «Uly dalanyń jeti qyry» baǵdarlamasy aıasynda ótýde.