Shymkentte qyzǵaldaq gúldedi

ShYMKENT. QazAqparat - Shymkentte qalanyń sımvoly sanalatyn qyzǵaldaq gúldedi, dep habarlaıdy QazAqparat qala ákimdiginiń baspasóz qyzmetine silteme jasap.

Qala kósheleri men saıabaqtarynda shamamen 1 mln 114 myń qyzǵaldaq gúli ashyldy. Olardyń basym kópshiligi gollandııalyq sary, qyzyl, kók, qyzǵylt sary, kúlgin tústi gúlder.

Qalany abattandyrýshy mamandardyń aıtýynsha, gúlder sáýletkerler men sýretshilerdiń salǵan eskızderine saı otyrǵyzylǵan.

Qyzǵaldaq gúli bir aıdaı ashylyp turady. Sosyn onyń badanshasyn terip alyp, keler maýsymda egý úshin saqtap qoıady, al gúlzarlar qyzǵaldaqtyń ornyna jazǵy gúldermen kómkeriledi.