Shymkentte qyzdy kúshtep alyp qashqandar ustaldy
Áleýmettik jelide kólikke qyzdy kúshtep salyp, alyp qashqan jigitterdiń vıdeosy tarady. Jeli belsendisiniń jazýynsha, oqıǵa Shymkent qalasyndaǵy jataqhanalardyń biriniń aldynda bolǵan.
«Atalǵan oqıǵa QR QK-niń 125 babymen «adam urlaý» tirkeldi. Polıtsııa qyzmetkerleri tekserý júrgizip, beınejazbada kórsetilgen tulǵalardy anyqtady. Jaýap alý barysynda Túrkistan oblysynyń turǵyny Shymkent qalasyndaǵy oqý oryndarynyń birinde bilim alyp júrgen tanys qyzdy úılený maqsatynda urlap ketkeni anyqtaldy. Qyz nekeden bas tartqanyn jáne bolǵan jaıtqa qatysty eshkimge eshqandaı shaǵymy joq ekenin jetkizdi. Qazirgi tańda tergep-tekserý júrgizilýde»-delingen Shymkent qalasy polıtsııa departamentiniń baspasóz qyzmeti taratqan habarlamada.
Al, vıdeoǵa pikir jazýshylardyń bir bóligi eki jasqa baqyt tilese, keı pikir bildirýshiler jigitterdiń sottaý kerektigin aıtqan. «Jabaıylyq, nadandyq, ońbaǵan adamdar jasaıtyn tirlik», «Zańǵa ózgeris engizbeı eshnárse ózgermeıtin sııaqty», dep pikir bildirgenderde bar.
Vıdeodan alynǵan kadr