Shymkentte Qyz Jibektiń sýretine «jan bitip», Gákký ánin shyrqaıtyn boldy

ShYMKENT. QazAqparat - Shymkentte Qyz Jibek pen Tólegenniń sýretine «jan bitti», dep habarlaıdy QazAqparat.

Bul jaıynda Sháken Aımanov atyndaǵy «Qazaqfılm» kınostýdııasy Facebook paraqshasynda málimet taratty.

«Bul keremet mýral – rejısser Sultan Qojyqovtyń «Qyz Jibek» fılminen alynǵan kórinis. Ol Shymkenttegi turǵyn úıdiń qasbetinde ornalasqan» dep jazady kınostýdııa.

Mýraldyń ereksheligi - siz smartfonmen sýrettiń janyndaǵy QR kodty skanerleseńiz, «Gákký» áni shyrqalyp, sýretke jan bitedi.

Bas keıipkerdiń atpen beınelengen sýreti de «tiri» sekildi.