Shymkentte qysqy jylytý maýsymynda 10 adam ıisten ýlanyp, kóz jumǵan
Aqparattyq kommýnıkatsııalar ortalyǵynda ótken brıfıngte Madııar Jaqsybaev turmystyq gaz qurylǵylaryn paıdalaný kezinde órt qaýipsizdigi talaptaryn buzý saldarynan oryn alǵan qaıǵyly oqıǵalar jáne olardyń aldyn alý boıynsha atqarylǵan jumystar jaıly aıtyp ótti. Onyń sózinshe, jylý berý maýsymynda ýly gazdan ýlanýdyń 10 oqıǵasy tirkelip, 4 adam jaraqat alǵan.
«Qaıǵyly jaǵdaılardyń aldyn alý maqsatynda qaladaǵy turǵyn sektorlarynda órt qaýipsizdigin qamtamasyz etý jáne ýly gazdan ýlanýdyń aldyn alý jumystary júrgizilýde. TJ departamenti qala jáne aýdan ákimdigi, «QazTransGaz Aımaq» AQ Shymkent qalasy boıynsha fılıalynyń qyzmetkerlerimen, Nur Otan partııasynyń «Jas Otan» jastar qanatynyń eriktilerimen birlesip, turǵyndarǵa túsindirý sharalaryn atqarýda»,- dedi Madııar Jaqsybaev.