Shymkentte qysqy sport túrleri mektebiniń jańa maýsymy ashyldy
ShYMKENT. QazAqparat - Shymkentte qysqy sport túrleri mektebiniń jańa maýsymy ashyldy, dep habarlaıdy QazAqparat tilshisi.
Ońtústikte mánerlep syrǵanaý, hokkeı, short-trek pen frıstaıl sport túrlerin damytý maqsatynda ashylǵan mektepte búginde 500-ge jýyq shákirt sporttyń 5 túrimen shuǵyldanady. Olar: ámbebap jekpe-jek, frıstaıl, short-trek, mánerlep syrǵanaý jáne shaıbaly hokkeı. Sport mektebiniń basshylyǵy bolsa bolashaqqa josparlary kóp ekenin aıtady. Máselen, keler jyly Ońtústik Koreıada ótetin Qysqy olımpıada oıyndaryna frıstaıl men short-trek boıynsha sportshylar jiberip, olarǵa úlken úmit kútetinin aıtady.
«Qazir bizdiń aldymyzǵa qoıǵan maqsatymyz - qazan aıynda Almatynda jáne Rýdnyı qalasynda ótetin shaıbaly hokkeıden QR chempıonatyna qatysý. Qazir sol jarysqa tyńǵylyqty daıyndalyp jatyrmyz. Sonymen birge qazan aıynyń 20-sy kúni Qaraǵandy qalasynda mánerlep syrǵanaýdan QR chempıonaty ótedi. Qazir oǵan da daıyndyq ústindemiz. Al, negizgi maqsatymyz jáne mindetimiz, kelesi jyly Ońtústik Koreıada ótetin Qysqy olımpıadada joǵary nátıje kórsetý. Bul jarysta frıstaıl men short trek bólimine úlken úmit artyp otyrmyz»,-deıdi №8 qysqy sport túrlerinen olımpıada rezerviniń mamandandyrylǵan balalar men jasóspirimder mektebiniń dırektory Baqytjan Zııabekov.
