Shymkentte qylmystyq topqa jetekshilik etken sheneýnikke izdeý jarııalandy
ShYMKENT. QazAqparat - Shymkentte polıtseıler qylmystyq topqa jetekshilik etken Memlekettik kirister departamentiniń qyzmetkerine izdeý jarııalady, dep habarlaıdy QazAqparat tilshisi.
Quzyrly organnyń 38 jastaǵy bólim bastyǵy munaı urlaýshylarǵa basshylyq etken dep aıyptalýda.
Belgili bolǵandaı, Qaldybaev Danııar Faızyrahmanulyn ustaǵan jaǵdaıda, qamaýǵa alý týraly sot sanktsııasy shyqqan. Kúdikti Ońtústik Qazaqstan oblysy boıynsha Memlekettik kirister departamentiniń bólim bastyǵy bola tura, 2015 jyly qylmystyq top quryp, «Pavlodar-Shymkent» munaı qubyrynan shıkizat urlaýmen aınalysyp kelgen. Qazirgi tańda Shymkent qalalyq ІІB krımınaldyq polıtsııa bólimi kúdiktige qatysty Qylmystyq kodekstiń 262 baby 3 bóligi «Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý», 361 baptyń 4 bóligi «Laýazymdyq ókilettikterdi teris paıdalaný» boıynsha is qozǵap, tergeý amaldary júrgizilýde.
Óńirdiń tártip saqshylary kúdiktini kórgen-bilgen ne bolmasa onyń júrgen jerin biletinder bolsa, Shymkent qalalyq ishki ister basqarmasynyń kezekshi bólimine (8-7252) 57-32-66, 20-08-25 nómirlerine habarlasýlaryn suraıdy.
