Shymkentte qylmystyq top músheleri otyzǵa tarta adamdy aldap, 100 mln teńge alǵan
Qalalyq polıtsııa departamentine 30 shaqty adam aryzdanǵan. Olar alaıaqtardyń arbaýyna túsip, ár baǵyttaǵy qyzmetteri úshin 100 myń teńge men 750 myń teńge aralyǵynda aqsha bergenin aıtqan. Osylaısha jábirlenýshilerge keltirilgen shyǵyn kólemi shamamen 100 mln teńgeni quraǵan. Tártip saqshylary jan-jaqty jedel-izdestirý jumystaryn júrgizý barysynda 6 adamnan qurylǵan topty anyqtady.
«Qazirgi tańda kúdiktilerge qatysty QR QQ-niń 190-babymen (Alaıaqtyq) qylmystyq is qozǵaldy. 4 kúdikti ustalyp, olarǵa qatysty «kúzetpen ustaý» túrindegi bultartpaý sharalary qoldanylǵan. Al, bir sezikti Nur-Sultan qalasynyń sotymen 3 jyl 6 aıǵa sotty bolyp, bas bostandyǵynan aıyrý oryndarynda jazasyn ótep jatyr. Taǵy bir aıyp taǵylǵan kúdikti tulǵa Ál-Farabı aýdandyq sotynan boı tasalaýyna baılanysty memleketaralyq izdeýge jarııalanǵan» delingen qalalyq PD baspasóz qyzmeti taratqan habarlamada.