Shymkentte qylmystyq top kásipkerden 7 mln dollar bopsalaǵan
ShYMKENT. QazAqparat - Shymkentte qylmystyq top jergilikti kásipkerden 7 mln dollar bopsalaǵan. Óńirdiń ІІD Uıymdasqan qylmypen kúres basqarmasynyń qyzmetkerleri top múshelerin 3 mln 20 myń dollar alyp jatqan jerinen qolǵa túsirdi, dep habarlaıdy QazAqparat HAA tilshisi.
Asa iri kólemde bopsalaý qylmysyn ashýǵa kásipkerdiń aryzy sebep bolǵan. Ol óz aryzynda belgisiz bireýlerdiń 7 mln dollar talap etip jatqanyn kórsetken. Osydan keıin polıtsııa qyzmetkerlerimen kúdiktilerdi ustaý sharalary júrgizildi. Sóıtip qylmystyq topty asa iri kólemde aqsha alý kezinde qolǵa túsirgen. Olardan aıǵaqty zat retinde jalǵan sheteldik aqsha alyndy. 1962, 1965, 1973 jáne 1976 jyly týǵan kúdiktiler Almaty jáne Shymkent qalasynyń turǵyndary ekeni anyqtaldy. Esh jerde jumys istemeıtinder jurtty qorqytyp, aqsha taýyp júripti. Qazirgi tańda atalǵan jáıt boıynsha Qylmystyq kodekstiń «Asa iri kólemde bopsalaý» 194-babymen is qozǵalyp, tergeý amaldary júrgizilýde. Seziktilerdiń biri qamaýǵa alynyp, ózge úsheýinen eshqaıda ketpeý týraly qolhat alyndy.
Tártip saqshylary endi qylmystyq toptyń qomaqty aqshany ne sebepti bopsalaǵanyn anyqtaıtyn bolady.
