Shymkentte qylmystyq top 18 fırma atynan jalǵan shot-faktýra shyǵarýmen aınalysqan

ShYMKENT. QazAqparat - Shymkentte qylmystyq top memleketke 1,9 mlrd teńgege zalal keltirdi. Qylmystyq qolma-qol aqshaǵa ıe bolý maqsatynda jalǵan fırmalar kóptegen zańsyz shemalardy qoldanady. Sol arqyly josyqsyz kompanııalarǵa salyq tóleýden jaltarýǵa kómek kórsetken, dep habarlaıdy QazAqparat Qarjylyq monıtorıng agenttigine silteme jasap.

Agenttiktiń Shymkent qalasy boıynsha aýmaqtyq departamenti 13 adamnan quralǵan qylmystyq topty anyqtady. Toptyń quramynda A.Qurbanov, I.Rýzahýnov, N.Mamyrbekov, D. Smorodın, M. Zıemuhamedov, A. Maslov, B.Mamatqalyqov, P. Jorabaev, I. Kondratev, A. Klıýchnıkov, R.Hınızov, B. Abylaıhanov, A. Şebelnıkov bolǵan.

«Tergeý barysynda 2019-2020 jyldar aralyǵynda qylmystyq top qolma-qol aqshaǵa aýdaratyn 18 fırma atynan jalǵan shot-faktýra shyǵarýmen aınalysqany anyqtaldy. Osy jyldar ishinde bul fırmalardyń zańsyz aınalymy 8,3 mıllıard teńgege jetken. Onyń ishinde kompanııalardyń bank shottarynan 3,6 mıllıard teńge qolma-qol aqshaǵa aınaldyryldy», delingen habarlamada.

Vedomstvonyń málimetinshe, 18 kompanııanyń kásipkerlik qyzmetti júzege asyrý úshin qajetti óndiristik-tehnıkalyq bazasy, qyzmetkerler shtaty jáne qoımasy bolmaǵan.

Qylmystyq áreketterdiń nátıjesinde memleketke tólenbegen salyq túrinde 1,9 mıllıard teńgeden astam zalal keltirilgen.

Agenttiktiń málimetinshe, top músheleri ártúrli merzimge 2 jyldan 4 jylǵa deıin bas bostandyǵynan aıyryldy.