Shymkentte quıyndy jeldiń saldary joıylýda
ShYMKENT. QazAqparat - Ońtústik Qazaqstan oblysynda kún kúrt sýytyp, qatty jel turdy. Saldarynan nysandardyń shatyry ushyp, turǵyndardy ábigerge saldy, dep habarlaıdy QazAqparat tilshisi.
«Bul kúni Shymkentte túnde ekpini 19 m/s bolatyn qatty jel turyp, aýanyń ylǵaldyǵy 10 mm jetken. Oblystyń soltústigindegi Sozaq aýdanynda jeldiń ekpini 25 m/s boldy», - deıdi aýa raıyn boljaýshy mamandar.
Qatty daýyl saldarynan birneshe aǵash synyp ketti. Degenmen elektr jelileri men úılerdiń shatyryna qulamaǵan. Qalalyq ákimdiktiń habarlaýynsha, qatty jeldiń keltirgen zardaptaryn qazir qalanyń kommýnaldyq qyzmeti qalpyna keltirýde.
Al, Otyrar aýdanynda aýa raıynyń jaýyn-shashyndy ári jeldiń qatty bolýynan eki nysannyń shatyry ushyp ketti.
«Otyrar aýdanynyń ortalyǵy Sháýildir eldi mekeninde mektep pen memlekettik mekeme garajynyń shatyryn jel ushyryp áketti. Tótenshe jaǵdaıdan zardap shekkender joq», delingen oblystyq TJD habarlamasynda.
Búgini oblys ortalyǵy men qala-aýdandarda aýa raıy jylynyp, kún shyǵyp tur.
