Shymkentte kúıip qalǵan 6 jasar qyz ben anasynyń jaǵdaıy aýyr
ShYMKENT. QazAqparat - Shymkentte jarylys bolǵan úıde kúıip qalǵan 6 jasar qyz ben anasynyń jaǵdaıy aýyr. Dárigerlerdiń sózinshe, jetkinshek oblystyq balalar aýrýhanasynyń jansaqtaý bólimine jatqyzylǵan, dep habarlaıdy QazAqparat tilshisi.
«6 jasar qyzdyń beti, basy men denesi qatty kúıip qalǵan. Kúıgen jeri shamamen 35 paıyz bolyp otyr. Qajetti medıtsınalyq kómek kórsetilýde. Degenmen jaǵdaıy aýyr»,- deıdi aýrýhananyń bas dárigeriniń orynbasary Bolat Nusqabaev.
Al anasynyń 53 paıyz jerin kúıik shalypty. 30 jastaǵy kelinshek te jansaqtaý bóliminde jatyr. Onyń jaǵdaıyn da dárigerler aýyr dep baǵalaýda.
Eske salaıyq, buǵan deıin Shymkentte turǵyn úılerdiń birinde gaz jarylyp, anasy men balasy, 6 jasar perzenti kúıip qalǵan bolatyn. Keleńsiz jaǵdaı qala irgesindegi Tassaı eldi mekeninde bolǵan edi. Gaz sharýashylyǵy mamandarynyń sózinshe, jarylys jerasty qubyrynan shyqqan. ıAǵnı, sol úıdiń kórshisi eshkimge eskertpesten qubyrlardy kesip, ózine qaraı tartyp alypty. Ári olardy polıetılen klenkalarynmen orap tastapty. Sonyń saldarynan qubyrlar kesilgen jerge gaz jınalyp, jarylys boldy.
