Shymkentte kúıik shalǵan balalar sany artqan

ShYMKENT. QazAqparat - Shymkentte kúıik shalǵan, túrli dene jaraqatyn alyp, aýrýhanaǵa túsken naýqas balalar sany kóbeıgen, dep habarlaıdy QazAqparat Otyrar.kz-ke silteme jasap.

Ótken jyly qalalyq klınıkalyq balalar aýrýhanasyna dene jaraqatyn alǵan 14 987 bala qaralsa, bıyl 23 576 bala medıtsınalyq kómekke júgingen. Al kúıik shalǵan balalar sany ótken jylmen salystyrǵanda 200-ge artyq.

Atalǵan aýrýhananyń bólim meńgerýshisi Bolat Nusqabaevtyń sózinshe, jalpy bıyl jetkinshekter arasynda barlyq jaraqat túri jıilegen.

«Onyń bir sebebi karantınge baılanysty dep oılaımyz. Máselen, byltyr balalardyń mekteptegi ýaqytynda alǵan jaraqaty 605 bolsa, bıyl jyl basynan beri 1993 bala bilim oshaǵynda júrip, aýrýhanaǵa tústi», - dedi dáriger.

Mamandardyń aıtýynsha, 6 aıdan 3 jasqa deıin balalardyń basym bóligi ystyq sýǵa kúıip qalady, al odan eresekteý balalardyń oınap júrip otqa kúıip qalatyn jaǵdaılary kóptep kezdesedi.

Aq halattylar oqys oqıǵaǵa tap bolǵan kezde ózdiginen em qabyldamaı, birden medıtsına mamandaryna júginý kerek ekenin eskertedi.

Foto:otyrar.kz