Shymkentte kúshti jelden úılerdiń shatyry ushyp, kóliktiń ústine qulady

ShYMKENT. QazAqparat - Shymkentte kúshti jeldiń zardaptary anyqtalyp jatyr, dep habarlaıdy QazAqparat qalalyq ákimdiktiń baspasóz qyzmetine silteme jasap.

«Qazgıdromettiń» málimetine sáıkes, Shymkentte 6 maýsym saǵat 18.25-18.36 arasynda ekpini 15-28 m/s jetetin qatty jel soqqan.

Saldarynan birneshe mekenjaıda úılerdiń shatyry ushty.

Atap aıtqanda, Baıtursynov kóshesi 90A 5 qabatty úıdiń 40 sharshy metr bolatyn shatyry ushyp, Qonaev dańǵyly 1 úıdiń aýlasyna qulaǵan.

«Toyota Corolla» markaly avtokólikke zaqym keltirdi.

Sondaı-aq, Soltústik shaǵyn aýdany 52-úıdiń shatyry qatty soqqan jelden ushyp ketken.

Oqıǵa ornyna tótenshe jaǵdaı qyzmetinen 2 tehnıka men 8 qyzmetker jiberildi.

Qaza bolǵandar men zardap shekkender joq. Jaǵdaı turaqty.