Shymkentte qurylysy bitpegen nysan órtendi

ShYMKENT. QazAqparat – Shymkentte qurylysy bitpegen nysannan órt shyqty. «Tassaı» ındýstrıaldyq aımaǵynda ornalasqan seriktestiktiń eki qabatty qurylysy bitpegen ǵımaratynyń shatyry otqa orandy, dep habarlaıdy QazAqparat tilshisi.

Qalalyq TJD baspasóz qyzmetiniń málimetinshe, órt búgin saǵat 11:39-da jańa ǵımarattan shyqqan. Jalyn jalpy kólemi 432 sharshy metr jer men 258 sharshy metr shatyr aýmaǵyn sharpydy, qurylys zattary janyp ketken.

«Órtti sóndirýge jeke quramnan 38 adam men 8 tehnıka jumyldyryldy. Tilsiz jaý saǵat 12:19-da oqshaýlanyp, saǵat 12:46-da tolyǵymen sóndirilgen. Órtten zardap shekkender joq. Búgingi tańda órtti shyǵý sebepteri anyqtalýda», delingen habarlamada.