Shymkentte qurylys materıaldaryn urlaǵan kúdikti ustaldy
ShYMKENT. QazAqparat - Shymkentte qurylys materıaldaryn urlaýdy kásip etken kúdikti ustaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, seziktini ustaýǵa jergilikti turǵynnyń aryzy negizi bolǵan. Ol aryzynda bitpegen úıiniń aýlasynan belgisiz bireýler shamamen jarty mıllıon teńgeniń qurylys materıaldaryn urlap ketkenin kórsetken. Osy jáıtten keıin Abaı polıtsııa bóliminiń qyzmetkerleri jedel-izdestirý sharalaryn júrgizý barysynda osy qylmysqa qatysy bar degen er adamdy ustady. Tergeý nátıjesinde seziktiniń osyǵan uqsas taǵy eki adamnyń múlkin urlaý jaıtyna qatysy bary anyqtaldy. Al, keltirilgen shyǵyn kólemi 1,5 mıllıon teńgeden astam somany qurap otyr.
Qazirgi tańda atalǵan jaıt boıynsha Qylmystyq kodekstiń «Urlyq» babymen is qozǵalyp, sotqa deıingi tergeý amaldary júrgizilýde. Polıtseıler kúdiktiniń basqa qylmystarǵa qatysy bar joǵyn anyqtap jatyr.
