Shymkentte qurylys bólimi men JShS 170 mln teńgeni jymqyrdy dep kúdiktelýde
ASTANA. QazAqparat - Sybaılas jemqorlyqqa qarsy ulttyq bıýro «Shymkent qalalyq qurylys bólimi» MM basshylyǵy, merdiger kompanııa «Stroı Servıs-7» JShS jáne ózge de tulǵalarǵa qatysty qylmystyq isti tergep jatyr. Olar 2013 jyly Shymkent qalasyndaǵy Badam ózeniniń jaǵasyn abattandyrý úshin bólingen 170 mln teńge somasyndaǵy bıýdjet qarajatyn jymqyrdy dep kúdiktelýde.
Urlanǵan qarajat jalǵan kásiporyndar arqyly qolma qol aqsha túrinde alynyp, qylmysqa qatysýshylar arasynda bóliske salynǵan.
Atalǵan fakt boıynsha atalǵan memlekettik mekeme basshysy E.K. Buharbaev ustalyp, sot sanktsııasymen qamaýǵa alyndy.
«Stroı Servıs-7» JShS basshylary K.A. Orashev jáne Ý.V. Shımırov, sonymen qatar tehqadaǵalaýshy S.E. Smahanova kinásyn moıyndap, keltirilgen zalaldyń ornyn toltyrý boıynsha sharalar qabyldap jatyr.
Qazirgi ýaqytta olar memleket kirisine 50 mln teńge aýdardy. Osyǵan baılanysty, olarǵa qatysty «kepildik» sharasy taǵaıyndaldy.
Sotqa deıingi tergeý amaldary jalǵasyp jatyr.
