Shymkentte quny 2,8 mlrd. teńgeni quraıtyn sport kesheni ashyldy

ShYMKENT. QazAqparat - Shymkentte jalpy quny 2,8 mlrd. teńgeni quraıtyn sport kesheni ashyldy.

Oblystyq ákimdiktiń baspasóz qyzmetinen habarlaǵandaı, bul OQO-daǵy «Lux» klasyndaǵy jalǵyz sport kesheni. «Keshenniń jalpy aýmaǵy 9 myń sharshy metrdi quraıdy. Munda 180 adam jumyspen qamtyldy», - dep habarlady baspasóz qyzmetinen.

Sport kesheninde densaýlyqqa qajettiniń barlyǵy: 8 trenajer zaly, 4 spa-ortalyq, 2 júzý basseıni, balalarǵa arnalǵan fıtnes-klýb, fýtbol alańy bar. Densaýlyqqa paıdaly astyń meıramhanasy Shymkent úshin jańashyldyq boldy. Joba bastamasyn kótergenderdiń aıtýynsha, mundaǵynyń barlyǵy kelýshilerdi saýyqtyrýǵa arnalǵan. Ioga, pılates, jekpe jek jáne sportyń ózge túrlerimen shuǵyldanbaq bolǵandarmen halyqaralyq deńgeıdegi kásibı bapkerler aınalysady.