Shymkentte qumar oıyndar jelisin uıymdastyrýshylar sottaldy

ShYMKENT. QazAqparat - Shymkent qalasy boıynsha Ekonomıkalyq tergeý departamenti 10 zańsyz oıyn mekemesiniń qyzmetin toqtatty. Zańsyz oıyn bıznesin Shymkent qalasynyń tórt turǵyny uıymdastyrǵan. Bul týraly QazAqparat QR Qarjylyq monıtorıng agenttiginiń baspasóz qyzmetine silteme jasap habarlaıdy.

Qabyldanǵan sharalardyń nátıjeleri boıynsha memleket kirisine 30-ǵa jýyq birlik oıyn jabdyǵy berildi, 12 zańsyz oıyn termınaly joıyldy. Zańsyz shemany uıymdastyrýshylar sottaldy. QR Qarjy monıtorıngi agenttigi zańsyz oıyn bıznesin QR zańnamasynda belgilengen oryndardan tys uıymdastyrǵany úshin uıymdastyrýshylar úshin de, úı-jaı ıeleri úshin de qylmystyq jaýapkershilik kózdeletinin eskertedi. «Eger turǵylyqty mekenjaıyńyzda nemese ýaqytsha bolatyn jerińizdiń janynda oıyn apparaty nemese oıyn mekemesi bolsa, bul týraly agenttikke habarlańyz. Ol úshin áleýmettik jelilerdegi agenttiktiń resmı akkaýnttaryna jeke habarlamadaǵy foto men mekenjaıdy jiberý kerek nemese [phone] senim telefondaryna habarlasý jetkilikti. Facebook -https://www.facebook.com/afm.rk/, Instagram - https://www.instagram.com/afm_rk/», - dep tolyqtyrdy baspasóz qyzmeti.