Shymkentte qulaýǵa shaq qalǵan alyp munara buzylatyn boldy
ShYMKENT. QazAqparat - Shymkenttegi qorǵasyn zaýyty aýmaǵynda qulaýǵa shaq qalǵan eski munara men temirjoldyń ústindegi kópir buzylatyn boldy. Bul týraly qalalyq tótenshe jaǵdaılar basqarmasynyń bastyǵy Madııar Jaqsybaev málimdedi, dep habarlaıdy QazAqparat tilshisi.
Basqarma bastyǵynyń sózinshe, qalalyq ákimdikte munara men kópirge qatysty tótenshe jaǵdaılardyń aldyn alý jáne joıý jónindegi komıssııasynyń shuǵyl otyrysy ótken. Keńeske qala basshylary men prokýratýra qyzmetkerleri, «ıÝjpolımetall» AQ men «Forte bank» ókilderi, «Qazaqstan temirjoly» AQ men tótenshe jaǵdaılar qyzmetkeri qatysqan. Onda qaýipti nysandardy zaýyt qojaıyny «Forte bankke» kepildikke qoıyp jibergendikten, buzý múmkin bolmaı turǵany aıtyldy. Degenmen, qarjy uıymy alyp nysandy buzýǵa qarsy emestigin bildirdi. Tek, onyń shyǵynyn tóleýdi talap etti. ıAǵnı, tótenshe jaǵdaılar qyzmeti murja men aspaly kópirdiń buzý shyǵynyn táýelsiz sarapshylarǵa eseptetip, taraptar ortaq kelisimge kelmekshi.
«Jınalys qorytyndysy boıynsha, eki nysandy apattyq jaǵdaıda dep jarııalandy. Komıssııalyq akt túzilip, «Forte bankpen» ruqsat berilgeni týraly kelisim shart jasaldy. Sondaı-aq búgin erteń «Qazaqstan temirjoly» Ulttyq kompanııasyna hat pen qujattar joldap, temirjoldyń ústinen ótetin kópirdi buzý máselesi boıynsha kelissózder júrgiziledi. Ary qaraı, zaýyttyń aýlasynda ornalasqan murjany buzý máselesi qarastyrylady», - dedi Madııar Jaqsybaev.
Esterińizge sala keteıik, qorǵasyn zaýytyndaǵy eski munara men temirjol ústindegi kópir ábden tozyǵy jetip, qulaýǵa shaq qalǵan bolatyn. Bıiktigi 160, aýdany 30 metr bolatyn alyp munara ótken ǵasyrdyń 30-shy jyldary salynǵan. Aınalasy kirpishpen órilip, ortasy qalyń sym temirmen bekitilgen munara keıin qaraýsyz qalyp, ony turǵyndar qalyń armatýrasyn alý úshin arnaıy tehnıkanyń kómegimen qazyp tastaǵan. Saldarynan munara bir jaǵyna qaraı qısaıyp, aınalasyna qaýip tóndirgen edi. Mamandar ol qulaǵan jaǵdaıda aınalasyndaǵy turǵyn úıler men temir jolǵa kesirin tıgizýi múmkin ekenin eskertken.
Al, temirjol ústindegi aspaly kópir de apatty jaǵdaıǵa jetkeni belgili. Onyń da keıbir adamdar tireýlerin kesip áketken. Kópir qulaıtyn bolsa, táýligine 60 júk jáne jolaýshylar poıyzynyń qatynasy úziletin edi. 
