Shymkentte qulaǵy betinde ornalasqan sábı múgedektik anyqtamasyn ala almaı otyr
ShYMKENT. QazAqparat - Shymkentte qulaǵy sol jaq betine ornalasqan búldirshinge shuǵyl ota qajet. Qazir týa bitken qulaq aýyz kemistigi bar balanyń anasy ota jasatýǵa jurttan kómek suraýǵa májbúr, dep habarlaıdy QazAqparat tilshisi.
Murat Nyshanbek bıyl 4 aqpanda ekige tolady. Úıdiń tórtinshi kenje balasy týylǵanda osyndaı kemistik bolypty. Anasy Áıgerim Álimbaevanyń sózine qaraǵanda, ózi men joldasynda genetıkalyq aýytqýshylyqtar bolmaǵan. Endigi jerde balasyna ota jasataıyn dese, qolymyz qysqa degendi aıtady.
«Nyshanbekti Almatyǵa aparyp ota jasatsaq dep armandaımyz. Alaıda bizde ondaı operatsııa jasatýǵa qaltamyz kótermeıdi. Kúıeýimniń tapqany otbasynyń keregi men jıi aýyratyn ulymyń eminen artylmaıdy. Balamyzdy múgedektikke de shyǵara almaı otyrmyz. Sebebi, mamandar mundaı anyqtama alý úshin aldymen ota jasatý qajettigin aıtty. Endi amaldyń joqtyǵynan qaıyrymdy jandardyń kómegine júginýge májbúr bolyp otyrmyz»,- deıdi Nyshanbektiń anasy.
Qazir búldirshinniń ata-anasy perzentiniń emine memleket tarapynan da járdem bolsa eken dep armandaıdy. Sebebi, naýqas balasynyń aýzyn tigýden Shymkenttiń dárigerleri bas tartypty. Olar búldirshindi uıyqtatyn dárini kótere almaı qalýy múmkin ekenin alǵa tartqan. Onyń ústine naqty dıagnozyn anyqtap, alý qajet ekenin alǵa tartqan. Al Nyshanbekti jan-jaqty tekseretý úshin bilikti mamandar qajet. Saldarynan kúnnen kúnge balanyń estý qabileti tómendep, jıi aýyratyn kórinedi.
Fotolar Tvk-uko saıtynan.
