Shymkentte quqyq buzýshylyqtan keltirilgen 6,5 mlrd teńge shyǵyn óndirilmegen - prokýratýra

ShYMKENT. QazAqparat - Shymkentte prokýratýranyń quqyq qorǵaý jáne memlekettik organ basshylarynyń qatysýymen memleketke ekonomıkalyq qylmystardan keltirilgen zalaldy óndirý boıynsha Úılestirý keńesiniń kezekti otyrysy ótti, dep habarlaıdy QazAqparat tilshisi.

Jıynda sóz alǵan qala prokýrory Maqsat Qojabaev ýákiletti organdardyń jumys tıimdiliginiń tómendep ketkenin, sonyń saldarynan ótken jyly quqyq buzýshylyqtan keltirilgen 9,5 mlrd teńge shyǵynnyń tek 1,8 mlrd teńgesi ǵana óndirilgenin atap ótti.

Májiliste qaryz tóleýden jaltarý boıynsha qylmystyq isterdi tergeý sapasynyń tómendeýi saldarynan qala bıýdjetine 6,5 mlrd teńge ótelmegeni sóz boldy. Osyǵan baılanysty, qala prokýratýrasymen usynylǵan kemshilikterdi joıý jónindegi jospar jáne qylmystyq jolmen alynǵan múlikti anyqtaý boıynsha is-sharalar algorıtmi Úılestirý keńesiniń barlyq músheleri tarapynan qoldaý tapty. Úılestirý keńesinde qaralǵan máselelerdiń qorytyndysy boıynsha Memlekettik kiris departamentine josyqsyz kásipkerlerdi erte kezeńnen anyqtaý jáne taǵy da basqa birqatar mańyzdy tapsyrmalar berildi.