Shymkentte kúdikti 2 tanysyn pyshaqtap ketti
ShYMKENT. QazAqparat - Shymkenttiń Abaı aýdanynda pyshaqpen aýyr dene jaraqatyn salý qylmysy tirkeldi. Bul týraly oblystyq ishki ister departamentiniń baspasóz qyzmeti málimdedi, dep habarlaıdy QazAqparat tilshisi.
Abaı aýdanyndaǵy turǵyn úılerdiń birinde úsh adam spırttik ishimdik iship otyryp, ózara janjaldasyp qalady. Olardyń biri 45 jáne 25 jas shamasyndaǵy tanystaryna pyshaqpen dene jaraqatyn salyp, oqıǵa ornynan boı tasalaǵan. Alǵan dene jaraqattarynyń saldarynan 45 jas shamasyndaǵy azamat kóz jumǵan, ekinshi jábirlenýshi jansaqtaý bóliminde jatyr.
Jedel izdestirý sharalaryn júrgizgen tártip saqshylary osy qylmysqa qatysy bar degen kúdiktini artynsha qolǵa túsirdi. Ustalǵan 55 jastaǵy seziktiniń buryn sottalǵany belgili boldy.
Qazir aýyr qylmys boıynsha Qylmystyq kodekstiń «Densaýlyqqa qasaqana aýyr zııan keltirý» babymen sotqa deıingi tergeý amaldary júrgizilýde.
