Shymkentte qýatty elektr stansalarynyń qurylysy júrgizilýde

ShYMKENT. QazAqparat – Shymkentte sapaly elektr qýatyn berý úshin elektr stansalarynyń qurylysy júrgizilýde. Qala ákimi Erlan Aıtahanovtyń aıtýynsha, 3 qosalqy stansanyń jáne 13 eldi mekende elektr jelisiniń qurylysyn aıaqtaý josparlanǵan, dep habarlaıdy QazAqparat tilshisi.

Erlan Aıtahanovtyń aıtýynsha, búgingi tańǵa qala aýmaǵyndaǵy 35 eldi mekende elektr sapasy tómen. Kelesi jyly atalǵan jobalardy iske asyrý arqyly 40 myńǵa jýyq qala turǵyny sapaly elektrmen qamtylady dep kútilýde.

«Gazben qamtýǵa keletin bolsaq, qoldanystaǵy 2 ARGS-tiń qýattylyǵy jetispeıdi. Qosymsha 250,0 myń m3 saǵatyna quraıtyn №3 AGRS salý qajet. Búgingi tańda, №3 AGRS qurylysynyń jumystary bastaldy. Tabıǵı gaz qysymyn kóterýdiń balamaly joldary qarastyrylyp, kelesi jyly «Sapaq Datqa» aýylynan uzyndyǵy 13,5 km, qýattylyǵy saǵatyna 25,0 myń m3 quraıtyn magıstraldy gaz qubyryn salý josparlanýda. Bul qalanyń 2-3 jyldyq qajettiligin tolyq jabady»,- deıdi Erlan Aıtahanov.